26 ოქტომბერს,მილანში ერთმანეთს საქართველოს ენერგეტიკის მინისტრი, ვიცე–პრემიერი კახა კალაძე და რუსეთის სახელმწიფო კომპანია „გაზპრომის“ ხელმძღვანელი ალექსეი მილერი შეხვდნენ. მხარეებმა განიხილეს არსებული ტრანზიტის მომსახურების ხელშეკრულების გაგრძელების საკითხი. ასევე, დამატებითი მოცულობების მიწოდების შესაძლებლობა და პირობები.
კახი კალაძესა და “გაზპრომს” შორის გამართულ მოლაპარაკებებს საქართველოში ერთგვარი შეფასებები არ მოჰყოლია.
უმრავლესობის წევრები აცხადებენ, რომ ენერგეტიკის მინისტრი მოლაპარაკებებს აწარმოებს არა იმისთვის, რომ საფრთხე შეექმნას ქვეყნის ენერგო დამოუკიდებლობას, არამედ პირიქით, რომ მოხდეს ქვეყანაში ენერგო დივერსიფიცირება.
” ნაციონალური მოძრაობის” წარმომადგენლები მთავრობის მიერ “გაზპრომთან” წარმოებულ მოლაპარაკებებს “ქვეყნის ღალატს” უწოდებენ და ენერგეტიკის მინისტრის, კახა კალაძის, დღევანდელი განმარტების არ სჯერათ.
კახი კალაძის განცხადებას,რომ “გაზპრომთან” მოლაპარაკებები მხოლოდ აზერბაიჯანში გაზის ნაკლებობითაა გამოწვეული, უარყოფს კომპანია SOCAR-ის მმართველი და აცხადებს,რომ საქართველოს მთლიანად აზერბაიჯანული ბუნებრივი აირით მომარაგება შესაძლებელია.
თბილისში “გაზპრომის” წინააღმდეგ საპროტესტო აქცია გაიმართა თამარ ჩერგოლეიშვილის ორგანიზებით.